Aktori i njohur Sean Penn zbuloi se ka menduar të bashkohej me forcat ukrainase në luftën kundër Rusisë.

Në një intervistë të fundit, aktori 61-vjeçar, i cili u largua nga Ukraina në shkurt ndërsa xhironte një dokumentar të VICE për sulmin rus, foli për kthimin në zonën e luftës, tranmseton portal arbresh.info

“Synimi im është të kthehem në Ukrainë. Por unë nuk jam një idiot, nuk jam i sigurt se çfarë mund të ofroj,” tha Penn për Hollywood Authentic.

Duke folur për qëndrimin e tij në Ukrainë në fillim të vitit, ai tha se “arsyeja e vetme që mund të qëndroja më gjatë në Ukrainë ishte nëse e kapja pushkën”.

“Kështu që vendosa të mos e bëja, por nëse do të ishit në Ukrainë, duhet t’ju kishte shkuar në mendje. Por a mendoni se çfarë shekulli është ky? Unë isha në një pikë karburanti në Brentëood një ditë më parë dhe tani jam duke menduar se më vajti mendja të kapja armën kundër Rusisë”, tha ai.

Penn ka shprehur gjithnjë kundërshtimin e pushtimit rus në Ukrainë dhe u ka bërë thirrje vendeve perëndimore “investonin gjithçka” në mbështetjen e vendit dhe popullit të tij, ose të harronin “çfarë shpresonte Amerika”.

Organizata jofitimprurëse e aktorit CORE, të cilën ai e themeloi në vitin 2010, aktualisht mbështet refugjatët ukrainas në Poloni.

“Kam shumë punë për të bërë me CORE dhe refugjatët ukrainës në Poloni”, tha ai, duke shtuar se është duke xhiruar një dokumentar dhe se pritet të vlerësojë atë në minutën e fundit.

“Në planin afatgjatë, ne nuk kemi asnjë provë të prekshme që dokumentarët ndryshojnë vërtet diçka. Ne e dimë vetëm se ata mund të japin shpresë,” përfundoi Penn./arbresh.info/